ਮੇਰੇ ਗੀਤਾਂ ਦੇ ਬੋਲਾਂ ਨੂੰ ਸੁਣਦਾ ਰਹੀਂ…………….

ਮੇਰੇ ਗੀਤਾਂ ਦੇ ਬੋਲਾਂ ਨੂੰ ਸੁਣਦਾ ਰਹੀਂ,
ਹਰ ਅੱਖਰ ਚੋਂ ਨਾਂ ਤੇਰਾ ਚੁਣਦਾ ਰਹੀਂ,
ਜੋ ਪੂਰਾ ਨਾ ਹੋ ਸਕਿਆ ਸੱਜਣਾਂ ਵੇ
ਉਹ ਤਾਣਾ ਬਾਣਾ ਹੁਣ ਬੁਣਦਾ ਰਹੀਂ,
ਹੱਥਾਂ ਤੇ ਲਾਈ ਉਹ ਗੁੜ੍ਹੀ ਮਹਿੰਦੀ ਤੇ
ਰੰਗ ਫਿੱਕੀ ਮਹਿੰਦੀ ਦਾ ਖੁਣਦਾ ਰਹੀਂ,
ਹੁਣ ਸੱਜਣ ਨਵੇਂ ਜੋ ਸਹੇੜੇ ਨੇ ਤੈਂ
ਝੂਠੇ ਰਿਸ਼ਤਿਆਂ ਦੇ ਵਿਚ ਘੁਣਦਾ ਰਹੀਂ,
ਕੱਪੜੇ ਦੇ ਵਾਂਗ ਨਹੀਂ ਬਦਲਦੇ ਸਜਣ
ਜਿਸ ਦਾ ਬਣਿਆ ਬਸ ਹੁਣਦਾ ਰਹੀਂ,
ਮਿੱਠੀ ਬੋਲੀ ਝੂਠਾ ਚਿਹਰਾ ਮਸੂਮੀਅਤ
ਰੱਖ ਕਾਇਮ ਇਹੀ ਅਗੁਣਦਾ ਰਹੀਂ,
ਅਧੂਰੇ ਵਾਅਦੇ ਜੋ ਛੱਡ ਦਿੱਤੇ ਸੀ ਤੈਂ
ਜਿੰਦ ਨੂੰ ਜੰਜਾਲਾਂ ਚ ਪੁਣਦਾ ਰਹੀਂ,
ਸਾਹਾਂ ਵਾਲੇ ਰਾਹਾਂ ਤੇ ਤਾਲ ਅਵੱਲੀ,
“ਭੱਟ” ਵਫ਼ਾ ਰਾਗ ਨੂੰ ਪੁਣਦਾ ਰਹੀਂ,
ਮੇਰੇ ਗੀਤਾਂ ਦੇ ਬੋਲਾਂ ਨੂੰ ਸੁਣਦਾ ਰਹੀਂ,
ਹਰ ਅੱਖਰ ਚੋਂ ਨਾਂ ਤੇਰਾ ਚੁਣਦਾ ਰਹੀਂ,
—————————
ਹਰਮਿੰਦਰ ਸਿੰਘ ਭੱਟ

Geef een reactie

Het e-mailadres wordt niet gepubliceerd. Vereiste velden zijn gemarkeerd met *